ശക്തിയുള്ള ക്രിസ്താനുഭവപ്രാർത്ഥന
യേശുവേ വെളിപ്പെടുത്തപ്പെട്ട ദൈവസ്നേഹമേ, അങ്ങേ വത്സല മാതാവാൽ ഞാൻ ദൈവസ്നേഹാഗ്നിയിൽ കൈയ്യാളിക്കപ്പെടട്ടെ. യേശുവിന്റെ സ്വന്തമെന്ന മുദ്ര എന്നിൽ ചാർത്തപ്പെടട്ടെ. തിന്മ ഒരുക്കുന്ന കെണികൾക്കു മുന്നിൽ ക്രിസ്തു എന്നിൽ രൂപപ്പെടട്ടെ. ലോകം ദ്വേഷിക്കുമ്പോഴും, നിന്ദാപമാനത്താൽ പരിത്യജിക്കുമ്പോഴും കുരിശിലേറ്റുമ്പോഴും, അങ്ങേ തിരുമുഖഛായ എന്നിൽ പതിപ്പിച്ചുറപ്പിക്കണമേ.
താബോർ മലയിൽവെച്ചു വെണ്മ പൂകുകയും ഗാഗുൽത്താമലയിൽ വച്ച് രക്തം പുരളുകയും ചെയ്ത തിരുമുഖശോഭ ഞാൻ ധ്യാനിക്കുന്നു. ഓ, പാവനാത്മാവേ, ക്രിസ്തുവിന്റെ തിരുമുറിവുകളിൽ എന്നെ നിമജ്ജനം ചെയ്യണമേ. വിശുദ്ധർ ആത്മീയ ധവളപ്രഭയിൽ എന്നപോലെ എന്നിലും ക്രിസ്തു അനുഭവം നിറയ്ക്കണമേ. ആമ്മേൻ